بغداد- العراق اليوم:
كتب الفنان والاعلامي وليد حبوش منشورا على صفحته في موقع التواصل الاجتماعي الفيسبوك تناول فيه سوء التنظيم الذي رافق مباراة اساطير العالم في البصرة وننقله لكم كما ورد لنا :
مو من عادتي ان اتكلم عن فنان عراقي خارج العراق هو حر بان يكسب جنسية جديدة او يتبع اتجاه اخر ولكن عندما لايحترم هذا الفنان وطنه وشعبه هذا خط احمر وليد الشامي كان في افتتاح مباراة الاساطير يوم امس وظهر لمدة ربع ساعة فقط وبدون فرقة فقد كانت الاغاني مسجلة (بلاي باك) ومع ذلك تكلم بالمايكرفون وقبل ان يحيي العراق وشعب العراق وان يلقي كلمة من اجل رفع الحضر الرياضي عن العراق قال ---شنو ماكو ماء ؟؟؟ --- زين انت ياوليد توك طالع من غرفة الاستراحة ماكان تكدر تشرب ماء ؟ بعدين انت ماتعبت نفسك وصوتك وماصرفت لعاب هيج العطش كتلك بحيث تلفظت بهاي الجملة وكأنك تهين الحفل والمشرفين عليه؟ بعدين انت ملحن ماكدرت تشتغل اغنية خاصة بالعراق تتكلم عن انتصاراته وتضحياته وخاصة صار فترة طويلة غايب عن بلدك؟لو بس تعرف تغني اغنية سعودية ضد قطر؟؟؟؟؟ بعدين جاي (تكرمون) بالنعال ولابس قاط شنو تستحيف تلبس حذاء؟؟؟؟واذا قصدك انه عادة خليجية ليش مالبست دشداشة وغطرة وياه مثلا؟ لو كان الك قصد ثاني؟ ثالثا خلصت ال 3 اغاني البلاي باك مالتك وركبت طيارتك ورحت وماكلفت نفسك حتى تشاهد نجوم بلدك وقبضت مثل مايكولون 40 الف دولار على شنو بس اريد اعرف؟ بس بالنهااية مو صوجك صوج المنظمين الي جابوك ومااحترموا فناني البصرة الرائعين وفن الخشابة والفن البصري بصورة عامة وماخلوهم يقدمون فنهم الرائع معرف ليش مطرب الحي لايطرب ؟ وعندك اغنية اسمها انا اصلي وارجع الاصلي مع الاسف ما تنطبق عليك الكاتب وليد حبوش
*
اضافة التعليق