فضيحة بجلاجل في وزارة الدفاع .. دعـــوة للتطوع برتبة (نائب عريف طبيب) !!

بغداد- العراق اليوم:

نائب عريف .. وزارة الدفــــــاع العراقية تدعو خريجي الكليـات للتطوع على ملاك الوزارة برتبة نائب عريف !!

اي والله .. خمس مرات قريت الخبر ، يريدون حملة شهادة البكلوريوس حتى ينطوه خيطين ويصير نائب عريف ..

زين لعد .. دسمعوا الأضبط منها وشوفوا الاختصاصــــــات اللي طالبيها حتى ينطونهم هاي الرتبة الفلكيـــة ..

١. طب بشــــري .. حتى من يكتب اسمه يكتب ن ع طبيب !! .. وحتــى أم وأبـــــــو الطبيب من يسألوهم وين صــــــار إبنكم الدكتور هســــه ؟ يجاوبوهم والله الدكتور هسه نائب عريف بالجيش العراقي  !!

٢. بكلوريوس هندسة .. ومو أي هندســة ، فروع الميكانيك ، الكهــرباء ، الكهروميكانيك ، الكترونيك ،الحاسوب ، الاتصالات ..

٣. بكلوريوس اداب انگليزي ، تركي ، عبري ، فارسي ..

أسئلة للوزارة وياريت يجاوبون عليه .. إذا افترضنا ابـــــو البكلوريوس تنطوه نائب عريـــــــــف ، أكيد أبو المعهـــــــد تنطوه جنــدي أول ، وأبو الاعدادية تنطوه جندي .. زين خريجــــــي الابتدائيــــــة و المتوسطــة شتنطوهم رتبـــه ؟

زين .. يصير ناس دزيتوا عليهم من الشـــــارع ونطيتوهم رتــــــب رواد ومقدمين ، وأطباء ومهندسين تنطوهم رتبة نائب عريف ؟ ..

السؤال الأخير .. الجنرال ، اللي خله هاي الشـــــــروط ونطـه هاي الرتبة يقبلهه لابنه الطبيب والمهندس يشتغلون نواب عرفاء ؟

ولكم يـــــــــا الله ..

#احمد_مكيه

اعلان وزارة الدفاع:

وزارة الدفاع تفتح باب التطوع امام خريجي الكليات أعلنت وزارة الدفاع اليوم الأحد فتح باب التطوع من خريجي الكليات بكالوريوس صعوداً بصفة عسكرية برتبة نائب عريف على ملاك الوزارة وذكر بيان للوزارة ان فتح باب التطوع من خريجي الكليات بكالوريوس صعوداً بصفة عسكرية برتبة نائب عريف على ملاك الوزارة واضاف انه التقديم سيبدأ اعتبارا من يوم غد الاثنين ولغاية 4 ايلول 2019

وفي الاختصاصات التالية :

(1) بكالوريوس الطب البشري

(2) بكالوريوس كلية التمريض

(3) الكليات الهندسية

أ- ميكانيك

ب- كهرباء

ج- كهروميكانيك

د- الكترونيك

هـ- هندسة شبكات الحاسوب والبرمجيات

و- هندسة الاتصالات

(4) خريجي كليات الاداب

أ- انكليزي

ب- تركي

ج- عبري

د- فارسي