العراق اليوم - خاص
اولاً: الصدر مات معقولة برصاصه ذبحو الگمره الدمه هواي نهر وكت الغروب عمامتك حمره
نار بگصب مستعجل الموت طشرنه سبحه نكطعت بسوگ گام الدمع بخدودنه يفوت يمشي اعله كيفه مثل اليبوك
ضعت بعدك تراب وماخذه الريح بطف احلامي جانت طلعتك ماي بصلاة الجمعه تلگه دموعي تسبيح الاجه يسكتني ضل يبجيك وياي
اجت ناس شكد رادوني ابيعن دربك واعثر الوفه احساس الصور تنشگ ولكن صعبه تتغير
جابو صورك مابقه الحيل ورفت عيوني تگول رايه جلبت بيهن طفل بليل خايف وجلبله بعباية من اعصر رداني النهر يخجل دمع مثل السمه ما اله كل حد حته البيت هم لونه تبدل اخذ من ثوبي لونه وصاير اسود
ثانياً سيد الضوه ... راح الخير من راح واتهدم عمرنا معقولة الهوى يموت وينك ياصدرنا مات الضوه والشمس بموتتك ياصدر مات الدعاء والصلاه والورد والعطر بچيناك يافرحة عمرنا وغيرك شنلگه بچيناك بنار دموعنه وعيون محترگه بچيناك حبيب گلوبنه شگد تكتل الفرگه ويلي ياسيد الضوه بموتتك مات الهوى جرحك بكبر الوطن وبيد مهدينا الدوه كون الرايح يعود ويردك علينه رمل المگبره انهار گلبناه من بچينه افراگ الابو والاخو اثنين طبگن سوه كلشي جمر ينگلب من يموت الهوى بچيناك بچي الوالده الدفن ضناها بچيناك فرحة أبيدنا والحظ خذاها بچيناك علينا الزمن فرحة استكثراها ويلي ياحزن الگلب بالضلع نار وتشب متنه ويه موتتك نعيش بعدك بالچذب شبيدينه غير الدموع بغيابك خسرنا نبچي سنين وايام دمع خلص عمرنا نبچي بحزن امن الگلب والدمع من جمر لازم يجي بموتتك يبچي الصدر عالصدر بچيناك بواچي ايتام وكت المغربية بچيناك امفارگ مختنگ وكت المسية بچيناك مجاهد باعو اگباله القضية ويلي موتنا الصبر رماد من بعده العمر ياهو ليسد غيبتك ياصدر بس الصدر .... لو بس تجي وتشوف من بعدك شبينه اباب الوطن ايتام وگفت امانينه لحلم الشمع تابوت صارت صوانينه
صورة قديمة تجمع الشاعر عباس عبد الحسن بالشهيد الصدر
*
اضافة التعليق