بغداد- العراق اليوم: رد المغني المصري تامر عاشور على سؤال حول موقفه من اعتذار الفنان حسام حبيب له بعد خلافهما بسبب شيرين عبدالوهاب.
وأجاب عاشور في مؤتمر صحفي أقيم على هامش حفله الأخير في الإمارات، قائلاً: "لا لا، خلينا في حاجة غير دي، واعتذاره مش مقبول". وتعود أزمة تامر عاشور مع حسام حبيب إلى أشهر مضت، بعد أزمة النجمة شيرين عبدالوهاب مع زوجها وشقيقها. وعلق عاشور على الأزمة عبر حسابه الشخصي بموقع "X" قائلاً: "كل اللي أقدر أقوله في موضوع شيرين عبدالوهاب، أن مفيش كلمة واحدة بس من اللي اتقالت وانتشرت صح".
وأضاف حينها: "أنا قريب من أهل شيرين ووالدتها وأخوها، وأنا برضه أقولها أني بحبها وكل الدنيا بتحبها وتحب فنها. أهل شيرين مظهروش في حياتها آخر سنتين تلاتة، أهل شيرين هم أهل شيرين من زمان، كل نجاحات شيرين كانت وسط أهلها وناسها اللي يشيلوها من على الأرض شيل".
وتابع عاشور: "يا رب يبعد عنها كل خبيث وأناني وفاشل وممثل، هي أطيب منهم كلهم وهم اللي وقعوها في كل مشاكلها. أنت بمن حولك، لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة".
وأردف: "أنا كلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده هو الكلام الحقيقي ولا كلمة من اللي اتقالت واتسمعت ليها أساس من الصحة. أهل شيرين هم هم أهل شيرين من زمان أوي، بالعقل".
ورد حسام حبيب في تصريحات صحفية قائلاً: “سمعنا ناس غريبة بتدخل في أمور مش أمورها خالص، ومنهم ناس أشباه فنانين. مفيش فنان بيدي حق لنفسه يدخل في حياة غيره، لأن الفنانين بيبقى عندهم إحساس، وتصريحات شيرين خلت شكلهم مش ظريف خالص".
لكنه عاد بعدها واعتذر كاتبًا: “على فكرة يا جماعة أنا بهزر، هو فنان محترم وليه جمهور كبير وبيقدم فن راقي وأنا بعتذر له لو كان الهزار تقل، أنا بس كنت بنكشه لأنه تقلها عليا شويتين".
*
اضافة التعليق